Денес министерот за образование Арбер Адеми кон сите училишта упати предупредување дека во секое од нив мора да има основни средства за хигиена, во спротивно ќе има санкции.
По појавата на Ковид-19 во земјава државата им префрла пари на општините за да набавуваат сапуни и дезинфекциони средства, па да се увиди дали ова се почитува инспектори од министерството уште денеска ќе ги контролира сите образовни установи, најпрво ќе се почне во Скопје.
-Училиштата се финансираат од државата, а парите не се само за плата, туку и за режиски трошоци меѓу кои и за средства за дезинфекција и хигиена , изјави министер за образование.
Во меѓувреме најавено е дека сите екскурзии на скопските средношколци во ризичните земји се одложени на неопределено време.
До крајот на оваа неделава во сите средни училишта во Скопје треба да се одржат едукативни предавања како децата да се заштитат од коронавирусот.
